2025 жылғы 13 мамырда жұмысшы мамандықтар жылы аясында студенттерді, оқытушыларды, сала сарапшыларын және шетелдік әріптестерді бір білім беру алаңында біріктірген “Полиграфиядағы мансап: колледжден әлемге” атты халықаралық кәсіптік бағдар беру бағдарламасы өтті.

Ұйымдастырушы Цзянцяо университеті (Қытай) жанындағы intermark халықаралық дизайн колледжі мен Алматы технологиялық университеті өкілдерінің қатысуымен Принтмедиа технологиялар колледжі болды. Бағдарлама полиграфия және дизайн индустриясы үшін кадрлар даярлау саласындағы халықаралық ынтымақтастықты кеңейту жолындағы маңызды қадам болды.

Іс-шараның шарықтау шегі Принтмедиа технологиялар колледжі мен intermark халықаралық дизайн колледжі (Jianqiao University) арасындағы ынтымақтастық туралы Меморандумға қол қою болды. Келісім студенттердің шетелде бірлескен білім беру бағдарламаларын, академиялық алмасулар мен тағылымдамаларды дамытуға бағытталған.

“Полиграфиядағы мансап: колледжден әлемге” бағдарламасы қазіргі заманның ең креативті және технологиялық салаларының бірінде дамуға дайын жас мамандар үшін жаңа көкжиектер ашып, білім мен Индустрия арасындағы диалогтың тұғырнамасына айналды.