перевод на рус, анг с правилом орфоргафией "Қазақстан Республикасының «Сыбайлас жемқорлыққа қарсы іс-қимыл туралы» Заңы негізінде Принтмедиа технологиялар колледжінің ұжымымен сыбайлас жемқорлықтың алдын алу және оған қарсы іс-қимыл мәселелері бойынша түсіндіру сабағы өткізілді.

Сабақтың негізгі мақсаты – ұжым мүшелеріне сыбайлас жемқорлықтың қоғам мен мемлекет дамуына кері әсерін түсіндіру, сыбайлас жемқорлық құқық бұзушылықтардың алдын алу, заң талаптарын сақтау және құқықтық сауаттылықты арттыру.

Іс-шара барысында сыбайлас жемқорлық ұғымы, оның негізгі көріністері, сыбайлас жемқорлық құқық бұзушылықтардың алдын алу жолдары және Қазақстан Республикасының заңнамасында белгіленген жауапкершілік мәселелері қарастырылды.

Сонымен қатар, колледж ұжымының қызметтік міндеттерін орындау барысында заңдылық, адалдық, ашықтық және әділдік қағидаттарын сақтау, мүдделер қақтығысына жол бермеу және сыбайлас жемқорлық тәуекелдерінің алдын алу қажеттілігі атап өтілді.

Сабақ соңында қатысушыларға сыбайлас жемқорлыққа қарсы мәдениетті қалыптастыру әрбір азаматтың ортақ міндеті екені түсіндірілді. Колледж ұжымы арасында «Сыбайлас жемқорлыққа жол жоқ!» қағидатын қалыптастыруға бағытталған пікір алмасу жүргізілді.

Іс-шара барысында қатысушылар өздерін қызықтырған сұрақтарын қойып, сыбайлас жемқорлықтың алдын алу бойынша ұсыныстарымен бөлісті."