2025 жылы 12 наурызда Принтмедиа технологиялар колледжі және Алматы мемлекеттік бизнес колледжінің ұйымдастыруымен «Мектептердегі кәсіптік бағдар берудің рөлін арттыру» тақырыбында қалалық семинар өтті. Іс-шара мектептер мен колледждер арасындағы ынтымақтастықты нығайтуға, оқушыларға мамандық таңдауда қолдау көрсетуге және заманауи кәсіби бағдарлау әдістерін енгізуге бағытталды.

 Семинар барысында ынтымақтастық туралы меморандумға қол қойылып, шеберлік сабақтары өткізілді, сондай-ақ еңбек нарығының үрдістері талқыланды. Іс-шара қорытындысы бойынша кәсіби бағдарда цифрлық технологияларды енгізудің, тәжірибелік оқыту мен тағылымдамаларды дамытудың маңыздылығы атап өтілді.

Іс-шара барысында құзіреттілік орталығында «Басудан кейінгі үрдістер» бөлімінің өндірістік оқыту шеберлері Токтарбаева К. Е, Оразалы М. Т., Қыдырхан Н. М. «Полиграфиядағы шығармашылық процесс: скечбук жасау», Кулбекова А. С., Майтубай Д. Е., Мукатбек А. К. «Пакет жасаудың заманауи әдістері», Дошанова Л. Ө., Мукиева Л. Д., Туракова М. Ф. «Заманауи әлемдегі қорапша» тақырыптарында шеберлік сабақтар өткізді. Шеберлік сабаққа Медеу ауданы мектептерінің профорентаторлары мен колледж педагогтары қатысып мамандықтардың ерекшеліктерін толығырақ білді.